ALLO ՄԱՅԱԿՈՎՍԿԻ

Եվ արդ ոռնում է պատերազմը ծովից մինչև ծով,

Լիզելով սահմանաքարերը մեր կարմիր,

Անցնելով համայն Եվրոպայի միջով...

Սակայն չկաս դու, չկա և ուրիշը...

Պոեզիայի դերը չունի իր կերտողը,

Թեկուզ հավաքված է վարագույրն ու կուլիսը,...

Օ՜, դո՛ւ, անհամարձակ շարժում՝ երկմտում, հեռացի՛ր,

Սատանայի գիրկը, անկա՛րգ...

Իսկ դու լսիր, պոե՛տ, հայցը այս նորածին...

Դի՛ր քո ձեռքն այդ դեպքում իմ մատաղ ճակատին,

Քո բազուկով գրկիր իրանը պատանուս,

Քո գոռ շնչով լցրու թոքերն իմ աղքատիկ,...